韓燒奇遇

一家食肆嘅好壞,除食物質素外,店員都好重要。呢間炑八韓燒食物係唔錯,不過幾個很有個性的大叔大媽店員令我哋食完餐飯好攰,HP 好似比食飯前仲要低……

我比預定時間早到就先入店攞位,然後店員大叔 A 就在不夠五分鐘內上到成檯食物(我咩都未叫,成檯得我一個你都問下我上得未呀,萬一其他人遲到咁放成個鐘?)

買了團購蟹劵又沒印出來係我哋錯,咁問佢用電話嘟得唔得,大叔 A 就開始一輪嘴話一定要 print 㗎我哋要嗰 barcode 交返上公司㗎(無限loop),咁我哋唯有諗下有咩方法俾到 hardcopy 佢,同左佢講知道了但大叔 A 背景音繼續…… Σ(´д`) 最後諗到不如試下拎部 iPhone 去影印,大叔 A 見我哋影印完返來又繼續話要收 hardcopy,我哋有開始啲躁就話知道喇而家咪整左囉,佢立即就話小姐你唔好咁敏感…… Σ( ̄Д ̄ ) 其實我哋一直都無怨佢唔收 softcopy 而且講左如果用唔到我哋會俾返原價的…… 最後經理 B 都肯收張咁奇怪的影印本,謝謝。

然後到點菜了,大媽 C 過來我哋就問一下有咩推介,然後佢將第一頁的所有餸都講一次不過都係同一句「呢嗰我見有人叫都幾好㗎」….. 隔離檯有叫咁我都見到嘅…… 對不起我唔應該問

首先上左醬油蟹而其他燒肉亦陸續上檯,咁拆蟹需要時間亦當然食蟹先,大叔 A 過嚟想開爐(我食緊蟹遲啲先),然後到大媽 C 又嚟開爐(都話食緊蟹遲啲先),最後連經理 B 都要嚟開爐(雖然我仲食緊蟹你想開就開啦… 無力)咁隻蟹又真係幾好食

我哋最愛嘅竟然係爐邊蛋同爐邊芝,其他都OK 不過牛大腸就太有咬口 aka 咬唔開。芝士同蛋任添的,有一次唔小心叫了老闆娘添芝士,佢拎嚟之後就話哎呀我唔識整喎,由於我哋好怕大叔 A 再來,三個人立即舉手話自己嚟OK!

要躲躲不過,叫甜品時再遇上大叔 A,好不容易決定食咩之後佢竟然話太多啦唔俾我哋一人叫一個,咁叫兩個三個人分呢? 都話多叫我哋諗下先就走左去了 (つД`)ノ
最後我哋決定,再揚手如果係大叔 A 就埋單,其他人就甜品。好彩最後來了經理 B,不過都係只叫到兩個甜品(why~~~)其實成碗都冰,又唔係真係大,一人一碗點會食唔晒吖……

呢間食物真係OK 㗎,如果啲店員可以出少兩句聲當幫忙就仲好…..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s